Viloyat hokimligi majlislar zalida O‘zbekiston Respublikasi Prezidenti topshiriqlari ijrosini ta‘minlash masalalariga bag‘ishlangan o‘quv-seminar bo‘lib o‘tdi. Unda Prezident Administratsiyasi, Hisob palatasi mas‘ullari, viloyat hokimining o‘rinbosarlari, tashkilot va boshqarmalar rahbarlari, shuningdek, hududiy studiyalardan shahar va tuman hokimlari, tegishli tashkilotlar vakillari ishtirok etdi.

Prezidentimiz raisligida o‘tgan yil 3-dekabr kuni Farg‘ona viloyatini ijtimoiy-iqtisodiy rivojlantirish, investitsiya va tadbirkorlik muhitini yanada yaxshilash chora-tadbirlari yuzasidan yig‘ilish o‘tkazilib, aniq vazifalar belgilab berildi. Shuningdek, bu bo‘yicha alohida qaror qabul qilindi, chora-tadbirlar belgilandi. Prezident Administratsiyasi ishchi guruhi tomonidan viloyatimizda mazkur vazifa va topshiriqlar ijrosini to‘laqonli tashkil qilish maqsadida o‘rganishlar olib borildi.

Seminarda viloyat hokimining birinchi o‘rinbosari Mirzohidjon Ubaydullayev Davlatimiz rahbari tomonidan berilgan topshiriqlar ijrosini o‘z vaqtida, sifatli bajarish muhimligini ta‘kidladi.

Mas‘ullar o‘rganishlar davomida sohalar kesimida ijroni samarali tashkil etish, bu borada yuzaga kelayotgan tizimli muammolar va ularning yechimlari haqida so‘z yuritdi. Tegishli tavsiya va ko‘rsatmalar berildi.