Viloyat hokimi Xayrullo Bozorov bir guruh turkiyalik investorlarni qabul qildi. Uchrashuvda viloyatimizda zargarlik sanoatini rivojlantirish istiqbollari muhokama qilindi. Farg‘ona shahrida zargarlik buyumlari ishlab chiqarish loyihasini amalga oshirish rejalashtirilayotgan bo‘lib, buning natijasida 300 ta ish o‘rni yaratiladi. Viloyat rahbari mamlakatimizda zargarlik mahsulotlarini ishlab chiqarish va eksport hajmini oshirish uchun juda katta salohiyat borligini qayd etib, turkiyalik investorlarning loyihasini qo‘llab-quvvatlashini bildirdi. Uchrashuvda sohadagi imtiyozlar haqida ma‘lumot berildi hamda sug‘urta, tekstil yo‘nalishlarida hamkorlik masalalari bo‘yicha fikr almashildi.