Viloyat hokimi Xayrullo Bozorov Raqamli texnologiyalar vazirining yaponiyalik investitsiya va hamkorlik bo‘yicha maslahatchisi Sakurai Akixiro bilan uchrashdi. Unda viloyatimizda raqamli texnologiyalar sohasida hamkorlikni yanada rivojlantirish masalalari muhokama qilindi.

Viloyat hokimi O‘zbekiston-Yaponiya o‘rtasidagi hamkorlik yangi bosqichda davom etayotganligi, xususan, Farg‘ona viloyati bilan aloqalar samarali yo‘lga qo‘yilganligini bildirdi. Ta‘lim yo‘nalishida amalga oshirilayotgan ishlar haqida ma‘lumot berib o‘tdi.

Uchrashuvda IT sohasida hamkorlikni rivojlantirish, bu orqali yangi ish o‘rinlarini yaratish, yoshlarga yapon tilini o‘rgatish va Yaponiya kompaniyalari bilan qo‘shma loyihalarni yo‘lga qo‘yish borasida takliflar bildirildi.