Viloyat hokimligida xalq deputatlari Farg‘ona viloyat Kengashining beshinchi sessiyasi bo‘lib o‘tdi
Sessiya ishida viloyat kengashi deputatlari, viloyat hokimining o‘rinbosarlari, kun tartibiga aloqador viloyat tashkilot va boshqarmalari rahbarlari ishtirok etdi.
Dastlab viloyatda yoshlar muammolarini o‘rganish, ularni hal etishga ko‘maklashish, yosh avlodning iste‘dodi va qobiliyatlarini rivojlantirish bo‘yicha qo‘shimcha sharoitlar yaratish choralarini ko‘rish bo‘yicha amalga oshirilgan ishlar yuzasidan Yoshlar ishlari agentligi viloyat boshqarmasi boshlig‘i Muhammadamin G‘anievning hisoboti eshitildi.
2024 yil mobaynida viloyatda maktabgacha va maktab ta‘limi hamda sog‘liqni saqlash tizimiga ajratilgan byudjet mablag‘larining samarali va maqsadli sarflanganligi, xarajatlarning amaliy natijalari bo‘yicha viloyat maktabgacha va maktab ta‘limi boshqarmasi boshlig‘i Sherzod Dolimov axborot berdi.
Viloyatda sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek, sog‘liqni saqlashning asosiy ko‘rsatkichlari ijrosi bo‘yicha viloyat sog‘liqni saqlash boshqarmasi boshlig‘i Bobur Primqulovning hisoboti tinglandi.
Sessiya davomida shuningdek, viloyatda 2025 yil “Kambag‘allikdan farovonlik sari” dasturi doirasida tanlangan mahallalarda elektr energiyasi barqaror etkazib berilishini yaxshilash hamda ichki yo‘llarni ta‘mirlash yo‘nalishi bo‘yicha dasturga kiritilgan takliflar, fuqarolar yig‘inlari raislari (oqsoqollari) sayloviga tayyorgarlik ko‘rish va uni o‘tkazish hamda saylovni tashkil etishga ko‘maklashuvchi viloyat komissiyasi tarkibini tuzish, xalq deputatlari mahalliy Kengashlari faoliyatini namunali tashkil etish, xalq deputatlari viloyat Kengashi huzurida ekspert guruhini tashkil qilish, xalq deputatlari viloyat Kengashi tomonidan Kengash so‘rovini, mahalliy Kengash deputati tomonidan deputat so‘rovini yuborish tartibini tasdiqlash, xalq deputatlari viloyat Kengashi sessiyasida hududiy davlat organlari va tashkilotlari mansabdor shaxslarining hisobot (axborot)larini eshitishning tartibini tasdiqlash, xalq deputatlari viloyat Kengashi qarorlari loyihalarini ishlab chiqish hamda ularni huquqiy ekspertizadan o‘tkazish uslubiyatini tasdiqlash kabi masalalar ham ko‘rib chiqildi.
Kun tartibidagi har bir masala bo‘yicha xalq deputatlari viloyat kengashining tegishli qarorlari qabul qilindi.
Bizni ijtimoiy tarmoqlarda kuzating!
Tavsiya etamiz
Tavsiya etamiz
Viloyat hokimi viloyatimizdagi oliy o‘quv yurtlari, tizim va boshqarmalarda faoliyat olib borayotgan bir guruh yosh mutaxassislar bilan uchrashdi
Farg‘ona viloyatida 12-15 fevral kunlari kutilayotgan ob-havo ma‘lumoti
Viloyat hokimi Janubiy Koreyaning New&New Co.,Ltd kompaniyasi ta‘sischisini qabul qildi
“Qishloq xo‘jaligi ekin maydonlari unumdorligini oshirish, tarmoqqa investisiyalar jalb qilish uchun qulay shart-sharoit yaratish bo‘yicha navbatdagi chora-tadbirlar to‘g‘risida”gi Prezident farmoni qabul qilindi
“Termiz xalqaro savdo markazi” erkin savdo zonasida farg‘onalik tadbirkorlar ham faoliyat olib borayotgan bo‘lib, ular safi yanada kengaymoqda
