Qo‘shtepa tumanidagi Bolalar va o‘smirlar sport maktabida tumandagi umumta’lim maktablari o‘rtasida “Yosh qutqaruvchi” ko‘ngillilar klublari jamoalari o‘rtasidagi musobaqaning tuman bosqichi o‘tkazildi. Har bir musobaqa o‘tkazilishi belgilangan joylarga fuqaro muhofazasi sohasiga oid o‘quv adabiyotlar, jurnallar va zamonaviy qutqaruv asbob-anjomlaridan iborat ko‘rgazmali o‘quv nuqtalari tashkil etildi. Nizomda belgilangan 5 ta shart asosida o‘tkazilgan musobaqaning yakuniga ko‘ra 2-IDUMIning “Lochinlar” jamoasi 3-o‘rinni, 6-umumiy o‘rta ta’lim maktabining “Jasorat” jamoasi 2-o‘rinni va 37-umumiy o‘rta ta’lim maktabining “Fidokor” jamoasi esa 1-o‘rinni egallab, viloyat bosqichiga yo‘llanmani qo‘lga kiritdi. Taqdirlash marosimida g‘olib bo‘lgan jamoalarga faxriy yorliq va esdalik sovg‘alari topshirildi.