“Yosh chegarachilar” harbiy-vatanparvarlik musobaqasining O‘zbekiston tumani bosqichi bo‘lib o‘tdi.

DXX Chegara qo‘shinlari tashabbusi bilan qator idoralar hamkorligida an’anaviy tarzda o‘tkazib kelinayotgan musobaqaning joriy yilgi tuman bosqichida ham yoshlar epchil va chaqqonliklarini, intellektual salohiyatlarini sinovdan o‘tkazdilar.

Bahslarda sektor bosqichlarida g‘olib bo‘lgan jamoalar- umumtalim maktablarining jami 100 nafarga yaqin o‘quvchi yoshlari qator shartlar bo‘yicha bellashdilar.

Yakuniy natijalarga ko‘ra, 61-maktabning "Turon yo‘lbarslari" jamoasi uchinchi, 49-maktabning "Yosh gvardiyachi"lar jamoasi esa ikkinchi o‘rinni egalladi. Gʻoliblikni qo‘lga kiritgan 21-maktabning "Sohibqiron" jamoasi esa musobaqaning viloyat bosqichi yo‘llanmasiga ega chiqdi.

Harbiy-vatanparvarlik musobaqasi g‘oliblari tashkilotchilar tomonidan ta’sis etilgan esdalik sovg‘alari bilan taqdirlandi.