Uchrashuvda xitoylik investorlarning investitsiya kiritishi hisobiga viloyatimiz hududlarida qurilish, energetika va qator yo‘nalishlarda amalga oshirilishi rejalashtirilayotgan istiqbolli loyihalar muhokama qilindi. Mazkur kompaniya uy-joy qurilishi va infratuzilma sohasida ko‘p yillar davomida samarali faoliyat yuritib kelmoqda. Kompaniya bosh menejeri Sun Zxenxua viloyatimizda uy-joy, yo‘l, savdo va biznes markazlari qurilishi, sanoat zonalari uchun quyosh panellari o‘rnatish va yana qator yo‘nalishlarga investitsiya kiritish niyatida ekanligini ma‘lum qildi. Viloyat hokimi xitoylik investorlar ishtirokida viloyatda ko‘plab istiqbolli loyihalar amalga oshirilayotganligini qayd etib, ushbu kompaniya bilan ham amalga oshirilishi rejalashtirilayotgan yangi loyihalar qo‘llab-quvvatlanishini bildirdi. Shuningdek, xitoylik ishbilarmonlarga qator yo‘nalishlarda hamkorlikda ishlash bo‘yicha takliflar ilgari surildi. Xitoylik mutaxassislar Farg‘onaga kelib, takliflarni o‘rganib chiqilishi va hamkorlikda yangi loyihalar ustida ishlarni jadallashtirishga kelishib olindi.