Marg‘ilon shahridagi Burhoniddin Marg‘inoniy ilmiy-ma‘rifiy turizm markaziga ajratilgan 36 gektar hududning uchdan bir qismi yashil park bo‘lishi loyihalashtirilgan. Viloyat hokimi Xayrullo Bozorov bugun bu yerda daraxt ekishga tayyorgarlik ko‘rish borasidagi ishlar bilan tanishdi. Mazkur markazda Burhoniddin Marg‘inoniy ilmiy-tadqiqot markazi, madrasa, anjumanlar zali, maqom teatri, muzey, Otabek va Kumush uyi, milliy uslubdagi mehmonxonalar kabi obyektlar barpo etiladi.