Viloyat hokimi Xayrullo Bozorov Marg‘ilon shahridagi Ijodkorlar bog‘ida amalga oshirilayotgan obodonlashtirish va ko‘kalamzorlashtirish ishlari bilan tanishdi. Erkin Vohidov nomidagi mazkur bog‘ aholi dam oladigan, shuningdek, nufuzli festivallar, anjumanlar, turli tadbirlar o‘tkaziladigan joy sifatida yanada takomillashtirilmoqda. Xususan, bu erga qo‘shimcha qrim sosnasi, kashtan, kustarnik kabi manzarali daraxtlar ekilyapti, san‘atkorlar xiyobonining qurilishi yakuniga etkazilmoqda. Viloyat rahbari ana shu jarayonlarni ko‘zdan kechirib, bog‘ga mingga yaqin manzarali daraxt va butalar ekish, yo‘laklarni ta‘mirlash, daraxtlarni sug‘orish tizimini yangilash topshirig‘i berildi. Shuningdek, bog‘ hududida Farg‘onada tug‘ilib yashab o‘tgan ijodkorlarni xotirasini abadiylashtirish maqsadida boshlangan san‘atkorlar xiyobonidagi ishlarni qisqa muddatda yakunlash vazifasi topshirildi.