Farg‘ona shahridagi Mustaqillik shaharchasining bosh rejasiga asosan ikkinchi bosqichdagi qurilish ishlari amalga oshirilmoqda. Bu yerda zamonaviy ko‘p qavatli uylar qurilmoqda, yangi ijtimoiy obyektlar, xizmat ko‘rsatish va servis majmualari qad rostlayapti. Ayni kunlarda 16, 14, 12, 9 va 5 qavatli uylarning qurilishi davom etmoqda. Viloyat hokimi Xayrullo Bozorov bu yerdagi uylarning qurilishi bilan tanishib, ko‘p qavatli uylar hududida yashil maydonlarni ko‘paytirish, aholi uchun zarur infratuzilmani yaratish, bolalar va sport maydonchalari, avtoturargohlar qurish bo‘yicha topshiriqlar berildi.