Viloyat hokimi Xayrullo Bozorov xitoylik ishbilarmonlar delegatsiyasi va ularning mahalliy hamkorlarini qabul qildi. Uchrashuvda Uchko‘prik tumanida amalga oshiriladigan loyihalar muhokama qilindi.

Viloyat hokimi viloyatimizdagi qulay biznes hamda investitsiyaviy muhit haqida so‘z yuritib, xitoylik ishbilarmonlar bilan hamkorlik ko‘lami kengayib borayotganligini bildirdi. Zamonaviy texnologiyalarni joriy etish orqali har bir loyiha yangi ish o‘rinlari yaratish, sifatli va eksportbop mahsulotlar ishlab chiqarishga xizmat qilishi kerakligini ta‘kidlab, investorlarning takliflarini qo‘llab-quvvatlashga tayyorligini bildirdi.

"Dafa Fiber” MChJ qo‘shma korxonasi tomonidan qiymati 13 mln dollarlik sintefon, ko‘rpa va odeyal mahsulotlari ishlab chiqarish, “Deng Feng" MChJ XK tomonidan 10 mln dollar bo‘lgan skuter, benzinli va elektr motoroller loyihasi, “Hong Gang International" MChJ XK tomonidan 60 mln dollar investitsiya mablag‘lari hisobiga litiyli akkumulyatorlar ishlab chiqarish hamda “VODIY SHOIS” MChJ QK tomonidan 8 mln dollarlik poyabzal mahsulotlari ishlab chiqarish loyihalarini amalga oshirish rejalashtirilgan.

Uchrashuv yakunida yangi investitsiya loyihalarini amalga oshirish chora-tadbirlari kelishib olindi.