Farg‘ona davlat texnika universitetida bo‘lib o‘tgan tadbirda Ulsan metropoliten shahri meri Kim Du Gyomga “Farg‘ona davlat texnika universiteti faxriy professori” unvoni tantanali topshirildi. Kim Du Gyom bunday e‘tibordan behad mamnunligini bildirib, Farg‘ona va Ulsan o‘rtasidagi ikki tomonlama manfaatli va do‘stona aloqalarni mustahkamlashda bugungi uchrashuvlar muhim samara berishini aytib o‘tdi. Ta‘lim sohasida ham hamkorlik qilish bo‘yicha fikr bildirdi. Talabalarning takliflari asosida universitetning 50 nafar yoshlari yozgi ta‘tilda Ulsan shahriga boradigan bo‘ldi. Joriy yilda davlat va nomdor stipendiya sovrindori bo‘lgan talabalar taqdirlandilar.