Tuman Madaniyat markazida tashkil etilgan kouching davomida yangi joriy etilgan “Ijtimoiy karta”, sanatoriylarga yo‘llanma olish imkoniyatlari, nogironligi bo‘lgan shaxslarni reabilitatsiya texnik vositalari bilan ta’minlash, nogironligi bo‘lgan shaxslar uchun adaptiv sport turlari va boshqa ijtimoiy xizmatlar to‘g‘risida batafsil ma’lumot berildi. Kouchingdan asosiy maqsad – Ijtimoiy himoya milliy agentligi tomonidan amalaga oshirilayotgan isloxotlarni keng jamoatchilikka ayniqsa ijtimoiy himoyaga muhtoj fuqarolarga xalqchil tilda tushuntirishdan iborat. Tadbir davomida markaz psixologi tomonidan 12 toifadagi shaxslarga bepul psixologik xizmatlar ko‘rsatish imkoniyatlari to‘g‘risida ham tushuncha berildi. Shuningdek, fuqarolar ishtirokida trening mashg‘ulotlari, turli xil qiziqarli enerjayzer o‘yinlar o‘tkazildi. Faol ishtirok etgan fuqarolarga turli xil sovg‘alar tarqatildi.