Qo‘shtepa tumandagi 40-umumta’lim maktabida “Qadriyatlaring boqiy bo‘lsin, Navro‘z!” shiori ostida bayram dasturi tashkillandi. Maktab o‘quvchilari tomonidan bayram sahnasida namoyish etilgan badiiy dasturlar, jajji kichkintoylarning chiqishlari hamda dilrabo taronalari barchada unutilmas taassurotlar qoldirib, chinakam bayramona kayfiyat ulashdi. Tadbir davomida o‘zbek milliy qadriyatlarini o‘zida mujassam etgan bayram sayilda o‘quvchilar tomonidan tayyorlangan qo‘l mehnati buyumlari, bahoriy taomlar ko‘rgazmasi bo‘lib o‘tdi.