Yoshlar o‘rtasida jinoyatchilik va huquqbuzarliklarning oldini olish, ularni bo‘sh vaqtini mazmunli o‘tkazish hamda sog‘lom turmush tarziga yo‘naltirish maqsadida “Xo‘jaqishloq” mahallasida faoliyat yuritayotgan “Qalqon” guruhi a’zolari uchun maxsus o‘quv mashg‘uloti o‘tkazildi. Tadbir davomida yoshlar huquqiy bilimlar bilan boyitildi, jinoyatchilikning salbiy oqibatlari, ayniqsa yoshlar hayotiga ko‘rsatadigan tahlikalari haqida atroflicha tushunchalar berildi. Shuningdek, o‘quv mashg‘uloti doirasida yoshlarga sog‘lom mafkura, vatanparvarlik, qonunlarga hurmat bilan yondashishi to‘g‘risida tengdoshlari o‘rtasida targ‘ibot qilish ko‘rsatmalari ham berildi. Mazkur tadbir mahallada jinoyatchilikning, xususan, yoshlar o‘rtasida sodir etilayotgan huquqbuzarliklarning barvaqt oldini olishda jamoatchilik ishtirokini kuchaytirish, yoshlarni ijtimoiy hayotga faol jalb etish yo‘lida muhim qadamlardan biri bo‘lib xizmat qiladi.