Jahon bankining “Qishloq infratuzilmasini rivojlantirish” dasturi asosida tumanimiz mahallalarida turli loyihalar amalga oshirilmoqda. Mazkur dastur asosida So'xning 9 ta mahalla fuqarolar yig'inida keng ko'lamli qurilish-ta'mirlash va obodonchilik ishlari amalga oshiriladi. Zangat mahalla fuqarolar yig'ini aholisining talab va takliflarini inobatga olgan holda mazkur dastur doirasida mahallaning barcha ichki ko'chalarida asfalьtlashtirish ishlari olib borish bo'yicha loyiha ishlab chiqilgan. Bugungi kungacha mahalladagi 5-darajali yo'llarni asfalьtlashtirish bo'yicha dastlabki amallar – shag'allashtirish ishlari olib borildi va bugundan boshlab mahallada rejadagi ko'chalarga asfalьt qoplamasi yotqizish ishlari boshlab yuborildi. Asfalьtlashtirish ishlari tanlov asosida "Muhammadsiddiq qurilish invest" MChJ zimmasiga yuklatilgan. Ichki ko'chalarning umumiy masofasi salkam 6,5 kilometr bo'lib, mazkur ishlarga Jahon banki tomonidan 2 milliard 750 million so'm mablag' yo'naltirilgan. So'x tumani hokimligi Axborot xizmati