2025-yil 13-aprel kuni Toshkent shahri O‘zbekiston Davlat konservatoriyasi katta zalida o‘tkazilgan “AD-LIBITUM” nomli ko‘p janrli Xalqaro tanlov-festivalida Farg‘ona tumani 26-Bolalar musiqa va san‘at maktabining “Xoreografiya” bo‘limi o‘quvchilari munosib ishtirok etishdi. Mazkur ijodiy jamoa – “Guldasta” raqs ansambli Erkinoy Xasanova boshchiligida tanlovning “Xoreografiya” yo‘nalishi bo‘yicha 3 ta raqs ijrosini namoyish etdi va 2 ta yo‘nalishda 1-o‘rin, 1 ta yo‘nalishda oliy o‘rin “Grant pri” mukofotini qo‘lga kiritishdi. Ushbu yuksak natijalar — o‘quvchilarning iste‘dodi, murabbiylar fidoyiligi hamda maktab jamoasining sa‘y-harakatlari samarasi bo‘lib, Farg‘ona tumani obro‘sini yana bir bor yuksaltirdi. Farg‘ona tumani hokimligi maktab ma‘muriyati, o‘quvchilar va ularning ustozlariga minnatdorchilik bildiradi hamda ijodiy faoliyatlarida yanada yuksak cho‘qqilarni zabt etishlarini tilaydi.