Viloyat hokimi Xayrullo Bozorov Qo‘qon shahridagi Movarounnahr, Xo‘jand va Istiqlol ko‘chalari hududida renovasiya dasturi doirasida barpo etilayotgan “Yangi O‘zbekiston” massivida amalga oshirilayotgan ishlar bilan tanishdi. Massivda jami 6338 xonadondan iborat 84 ta ko‘p qavatli uylar, ta‘lim muassasalari, xizmat ko‘rsatish va savdo majmualari qurilishi belgilangan bo‘lib, hozirda qurilish jadallik bilan olib borilmoqda. Viloyat rahbari bu erda infratuzilmani yanada takomillashtirish, qurilishning sifatiga e‘tibor qaratish, parallel ravishda yo‘llarni asfalьtlash ishlarini boshlash borasida ko‘rsatma va topshiriqlar berdi.