Mustaqillik bayrami yangi uylarda nishonlanmoqda Davlatimiz rahbarining o‘tgan yil viloyatimizga tashrifi doirasida berilgan topshiriqlari ijrosi doirasida Qo‘qon shahrida ham Renovasiya dasturi asosida bunyodkorlik ishlari amalga oshirilmoqda. “G‘ishtli Masjid” mahallasining Movoraunnaxr ko‘chasidagi 3 ta 2 qavatli ma‘nan eskirgan turar joy binolari o‘rnida yangi turar-joy binolari qurilishi belgilangan edi. Oradan bir yil o‘tib, yangi ko‘p qavatli uylar ya‘ni, Z ta etti qavatli 119 ta xonadonli uylar to‘liq bitkazildi. Bugun mustaqilligimizning qutlug‘ 34 yillik bayrami arafasida Renovasiya dasturi doirasida bunyod etilgan ushbu zamonaviy uy-joylarning tantanali foydalanishga topshirish marosimi bo‘lib o‘tdi. Viloyat hokimi Xayrullo Bozorov mahalla ahli, yangi uy egalarini qo‘shaloq ayyomlar bilan samimiy qutladi. Bugun bu erda zamonaviy, hamma yashash uchun qulay sharoitlarga ega bo‘lgan uy egalariga foydalanishga topshirilayotganligi, bu kabi Renovasiya loyihalari davom etishi qayd etildi. 6400 xonadondan iborat "Yangi Qo‘qon" massivi qurilishi jadal davom etayotganligi, yaqin kunlarda ushbu massiv ham foydalanishga topshirilishi ma‘lum qilindi. Shaharning bunyodkorlik ishlariga o‘z hissasini qo‘shib, ko‘rkam binolar qurayotgan tadbirkorlarga ham minnatdorchilik bildirildi. Tadbir davomida yangi xonadonlar kalitlari o‘z egalariga topshirildi. Uy sohiblari, faollar so‘z olib, o‘zgarish va islohotlardan behad mamnun ekanliklarini aytib, davlatimiz rahbariga minnatdorchilik izhor qildilar. Ramziy lenta qirqilib, tadbir ishtirokchilari xonadonlardagi shart-sharoitlar bilan yaqindan tanishdilar. Nuroniylar ishtirokida xayrli duolar qilinib, ezgu niyatlar aytildi.