Viloyat hokimi Xayrullo Bozorov xitoylik investorlar Li Sanjay va Jo Chunvonni qabul qildi. Uchrashuvda viloyatimizda metallni qayta ishlash loyihasini amalga oshirish masalalari muhokama qilindi. Viloyat hokimi mamlakatimizda qurilish ishlari ko‘lami ortib borayotganini, sifatli, arzon va zamonaviy qurilish materiallariga ehtiyoj ham ortayotganini qayd etdi. Shu bois, mazkur metallni qayta ishlash loyihasini to‘liq qo‘llab-quvvatlashini bildirdi. 20 million dollar miqdoridagi to‘g‘ridan-to‘g‘ri investisiya hisobidan amalga oshirilishi ko‘zda tutilgan loyiha doirasida uch bosqichli armatura, katenka va ugolok ishlab chiqarish rejalashtirilgan. Uchrashuv yakunida loyihani Toshloq tumanidagi “Taraqqiyot” kichik sanoat zonasida amalga oshirish, qurilish ishlarini boshlashga kelishildi.