O'zbekiston Respublikasi Vazirlar Mahkamasining 2022-yil 26-aprel kunidagi 212-sonli qarori ijrosini ta'minlash maqsadida, 29-sonli umumiy o'rta ta'lim maktabida tumandagi ta'lim muassasalarining o'quvchilari jamoalari ishtirokida "Yashil chiroq" musobaqasining tuman bosqichi o'tkazildi. Musobaqada tumandagi 20 dan ortiq umumta'lim maktab jamoalari ishtirok etdi. Ular quyidagi 6 shart bo'yicha bellashdilar: safda yurish, velosiped haydash, birinchi tibbiy yordam ko'rsatish, maket tayyorlash, chorrahada to'g'ri harakatlanish hamda yo'l belgilari bo'yicha savol-javoblar. Ushb musobaqada 1-o'rin 29-sonli umumiy o'rta ta'lim maktabi jamoasiga, 2-o'rin 14-sonli ta'lim dargohi o'quvchilariga hamda 3-o'rin 9 va 13-sonli umumta'lim maktablari talabalariga nasib etdi. So'x tumani hokimligi Axborot xizmati