Bu mahalla yoshlarining zamonaviy axborot texnologiyalari sohasidagi bilim va ko‘nikmalarini oshirishga qaratilgan yana bir muhim qadam bo‘ldi. Endilikda mahalla yoshlari markazda malakali mutaxassislar ko‘magida axborot texnologiyalarini bemalol o‘rganishlari mumkin. Viloyat hokimi Xayrullo Bozorov bugun mazkur markazning faoliyati bilan tanishdi, yoshlar, mahalla faollari bilan muloqotda bo‘ldi. Ayniqsa, yosh tadbirkorlar tomonidan amalga oshirilgan loyihalar yuqori baholandi. Mahallada xorijiy tillar o‘quv markazi faoliyat ko‘rsatayotgan bo‘lib, qisqa vaqt ichida yoshlar yaxshi natijalarga erishmoqda. Chet tilini bilish bo‘yicha milliy va xalqaro sertifikatga ega bo‘lgan 5 nafar yoshlarga noutbuk topshirildi. Yangi ish boshlagan mo‘jaz maskan kompьyuter jamlanmalari va jihozlar bilan ta‘minlandi. Bu erda axborot texnologiyalariga qiziqqan yoshlar veb dasturlash, dizayn, robototexnika kabilarni o‘rganadi. Viloyat rahbari bu kabi markazlar o‘g‘il-qizlar uchun katta imkoniyat ekanligini qayd etib, bilimli, hunarli yoshlar hayotda o‘z o‘rinlarini topishini ta‘kidladi.