Xalq deputatlari Farg‘ona viloyati Kengashining 2025 yil 24 aprelda “Viloyat hududlarida suv ta‘minoti va oqova suv tashkilotlari tomonidan ko‘rsatiladigan suv ta‘minoti va oqova suv xizmatlari uchun tartibga solinadigan narxlar (tariflar)ni qayta ko‘rib chiqish va tasdiqlash to‘g‘risida”gi qarori qabul qilindi. “Farg‘ona suvta‘minot” MChJ rahbari M.Yuldashevning viloyat hududlarida suv ta‘minoti va oqova suv tashkilotlari tomonidan ko‘rsatiladigan suv ta‘minoti va oqova suv xizmatlari uchun tartibga solinadigan narxlar (tariflar)ni qayta ko‘rib chiqish va tasdiqlash yuzasidan tegishli xati, shuningdek, viloyat hokimligining xulosasi inobatga olingan. Bundan kelib chiqib, Xalq deputatlari viloyat Kengashi qarorining 1-ilovasiga ko‘ra, viloyatda ichimlik suvi ta‘minoti va oqava suv xizmatlari uchun belgilangan yangi narxlar (tariflar) yuqoridagicha tasdiqlandi. Mazkur qaror 2025 yil 1 may kunidan kuchga kirishi belgilangan.