Viloyat hokimi Xayrullo Bozorov xitoylik investorlar Yuan Yanping hamda Bay Anlini qabul qildi. Muloqotda Quvasoy shahridagi “Qo‘qon” erkin iqtisodiy zonasi filialida amalga oshirilayotgan qishloq xo‘jaligi texnikalarini ishlab chiqarish loyihasi doirasidagi masalalar muhokama qilindi. Viloyat hokimi mazkur loyiha muvaffaqiyatli bo‘lishini qayd etib, nafaqat O‘zbekiston bozorida qolaversa, Markaziy Osiyo, MDH davlatlari bozorlarida o‘z o‘rniga ega bo‘lishiga ishonch bildirdi. Uchrashuv yakunida uch tomonlama anglashuv memorandumi imzolandi.