Viloyat hokimi Xayrullo Bozorov Dang‘ara tumanida tadbirkor Azizjon Akramovning loyiha taklifi bilan tanishdi. Tadbirkor tumandagi Shodlik MFYda mahalla binosida zamonaviy IT markazi qurish bo‘yicha o‘z rejalarini taqdim etdi. U o‘zining sohadagi tajribasidan kelib chiqib, hududdagi yoshlarni, nogironligi bo‘lgan shaxslarni va kam ta‘minlangan oilalar farzandlarini zamonaviy kasblar, IT yo‘nalishlarida bepul o‘qitib, ularni ishli va daromadli qilish niyatini bildirdi. Viloyat hokimi ikki qavatli mahalla binosini davlat-xususiy sheriklik (DXSh) asosida ta‘mirlab, ham mahalla uchun, ham o‘quv markazi uchun qulay sharoit yaratish taklifini ilgari surdi. Shuningdek, tadbirkorga yana bir faoliyat yo‘nalishi sifatida erishgan natijalaridan kelib chiqib, olxo‘ri, shaftoli va o‘rik etishtirish bo‘yicha kooperasiya tashkil etish taklifi ham berildi. Viloyat rahbari tashabbuslarni har doim qo‘llab-quvvatlashga tayyor ekanligini, loyihalarni tezlashtirish zarurligini ta‘kidladi va tadbirkor faoliyatiga omad tiladi.