Marg‘ilon shahri Navro‘z MFY hududida barpo etilayotgan "Yangi O‘zbekiston" massivida ko‘p qavatli uylarning qurilishi davom etmoqda. Bugun yana bir yirik loyiha - "Margilan City Mall" savdo, ko‘ngil ochar va turar joy maskanlari kompleksi qurilishiga start berildi. Mazkur tadbirda viloyat hokimi Xayrullo Bozorov, quruvchilar va nuroniylar ishtirok etdi. 35 million dollarlik mazkur loyiha doirasida savdo markazi, 12, 14 va 16 qavatli 785 xonadonni o‘z ichiga olgan 11 ta turar-joy binosi, avtoturargohlar, bolalar maydonchalari va atrium barpo etilishi rejalashtirilgan. Tadbirda viloyat hokimiga shular xususida ma‘lumotlar berildi. Nuroniylar ishtirokida xayrli duolar qilinib, ramziy kapsula tashlanib, qurilish ishlariga start berildi.